Logo of lobnanuna

ابراج اليوم الثلاثاء 30.3.2021

توقعات برج الحمل اليوم الثلاثاء 30 مارس 2021 


الحمل ♈
مهنياً:تدريجي امورك افضل وراحة بعد تعب بالعيلة ومع الشريك .. يوم في حلول بشغل وبالمال واخبار منيحة تغيرات شخصية عم طال وضعك المالي وحظ داعم وفي قصص اوراق ومعاملات مالية وممكن يجيك مال عندك التزامات مالية وقصة ميراث للبعض وشي بخص مال من شخص مهم .. فترة رح ترتاح فيا نفسياً بعد ركود وتراجع بالعمل وبالمال .. سهرة ولمة حلوة مع ناس غاليين عليك بس خفف مصاريف ولا تفردها كتير لايدك ..
عاطفياً:يوم منيح واجواء افضل مع الشريك .. لا تخلي حدا يدخل بوضعك وفترة فيها اختبار عاطفي وعم تعيد حسابات وخود وقتك ولا تتسرع .. تدريجي بتروح الخلافات وبترتاح المهم تعرف كيف تستوعب الشريك وتكسبو وتستفاد منو.. الدبلوماسية هيي سبيل الوحيد واكيد العصبية والانفعال مارح تحل فيهن مشكلة ناقش وساير لترتاح وتكسب ..
صحياً:بعدو وضعك تحت الاختبار لهيك لا تعب حالك وشتغل بهدوء وتجنب الوقوف والجلوس الطويل حتى ماتسسب بمشاكل الرقبة وتشنج عضلي ..
❤غنيتك❤اليوم:ياعسل يالكلك سحر.. صابر رباعي

 

توقعات برج الثور اليوم الثلاثاء 30 مارس 2021


الثور ♉
مهنياً:يومك في قصص شراكات مهنية وعاطفية وامور قضائية مشتركة ومال من شراكات الي داخل شراكة ..
حاول لا تدخل بمواجهات مع حدا ولا تعمل من الحبة قبة ولا تحسم شي ونصيحة لا توثق بحدا .. في شوية عصبية وانفعال بدك تروق وتستوعب وتساير مابدي تخسر حدا أنتبه لكلامك ولتصرفاتك واحسب حساب لكلشي وانتبه شوي على صحتك .. شوية هدوء وامورك رايحة للافضل ..
عاطفياً:المرتبط بحاجة للاستقرار وتستوعب الشريك ولا ترد على الكلام الاستفزازي والي عم يعصبك .. في ضبابية وتقلب بوضعك ركز و لا تقدم على اي تصرف عاطفي مابدي ياك تنلام او حدا يوجهلك كلام مالازم تسمعوا او عم ينحط الحق عليك روق وهدي ومابدنا نكبر القصص ساير شوي لنمرق هاليومين على خير احسن ماتخسر علاقتك .. الاعزب انطر شي حلو قادم وافضل الك مستقبلياً وشراكة جديدة ..
صحياً:حاول تخفف من حالتك النفسية وتقضي وقت مع رفقاتك وناس بتحبا ..
❤غنيتك❤اليوم:يومنهم .. عمر دياب

 

توقعات برج الجوزاء اليوم الثلاثاء 30 مارس 2021 


الجوزاء ♊
مهنياً:شغل كتير والتزامات وعلاقات واصدقاء وعزائم وامور صحية .. عم تكون مضغوط هاليوم ومشغول بكذا قصة واذا بحاجة لمساعدة لا تتردد بلاخص بشغل في اصدقائك بتوقف حدك وبتساعدك بس ضب ايدك على مصاريفك المالية الي عم تطلع بشكل مفاجئ لانك شايل حمل كبير.. رتب امورك ومواعيدك وخلص المهم واهتم بصحتك لان كتر ضغط عم يتعبك صحياً ..أنتبه لعلاقاتك مع رفقاتك وبلا ماتخسر حدا ..
عاطفياً:الشريك عم يتعبك وكل مابتقول لامور مشت تمام فجئة بيتغير كلشي وبينقلب ضدك وهاشي عم يتعبك نفسياً وعم يخليك تفقد الامل ..مانك على بعضك في أهمال ولامور بحاجة لحل وحسم عاطفي اكتر .. حاول كتير ترجع العلاقة من جديد لتعيش يوم عاطفي وبادر بالحلول او ممكن تتلقى اتصال بريحك .. في اوقات حلوة ناطرتك ورومنسية لازم تستغلها لتنجح فترة وبتمر المهم تريح حالك من تفكير ..
صحياً:انتبه على صحتك في عارض صحي بسيط ولازم تستشير في طبيب او اخصائي .
❤غنيتك❤اليوم:كيفك انتا .. فيروز
 

توقعات برج السرطان اليوم الثلاثاء 30 مارس 2021 


السرطان ♋
مهنياً:تحسن وانفراج وامورك افضل بالعاطفة والشغل .. عم يدعمك الحظ بهاليوم بطاقة ايجابية وحرية بالحركة وعلاقات جديدة واشخاص عم ترجع تحاكيك وعم تكسب محبة الكل وعم يتسلط ضوء عليك .. يوم في تنقلات وتحسن بالمال شوي شوي بلاخص انك تعبت بالفترة الاخيرة ومن مشاكل البيت والعيلة .. اخبار حلوة وفرصة شغل ودعم الك اجواء ولقاءات وعزائم حاول تغير من نفسيتك وتركز على معاملتك مع اشخاص مهمة او دعم اب او اخ بالبيت وشي بخص الاطفال لدى البعض ..
عاطفياً:فرصة لحب جديد وتطور بعلاقاتك وشخصية مهمة عم تتقرب منك .. يوم بيحملك وعود عاطفية واجواء فيها استقرار ومصالحات في انسجام وتفاهم على بعض الامور وفيك تطلع وتغير جو مع الشريك .. لقاءات مميزة واتصالات وتواصل وحب عم يكبر وشخص قديم بيومك ..
صحياً:لا تفكر كتير بالوضع ريح حالك واستفيد من طاقتك واهم شي الي بريحك عملوا ..
❤غنيتك❤اليوم:يالغالي .. عاصي الحلاني

 

توقعات برج الاسد اليوم الثلاثاء 30 مارس 2021 


الأسد ♌
مهنياً:مكركبك وضع البيت وحدا من اهلك ونقل وتغيير.. مو مرتاح وقصص عائلية او خبر على صعيد العائلي بحاجة لتركيز وأعادة تنظيم لان بتحس ضغط وتوتر من يلي حواليك حاول تبتعد عن الفوضى ومرق هاليومين على خير بلا مشاكل وانفعال مو ناقصك مشاكل ولا تشيل هم المحيط وفكر بحالك وساير لتمر هالغيمة .. قصة عقار بتشغلك او تجهيز او نقل ويمكن بيع عقار وانتبه على صحة وفي سفر ممكن الك او لحدا بالعيلة واتصال بعيد من الاهل ..
عاطفياً:الاعزب افضل والمرتبط هديلي حالك .. بتعاني ضغوط وكتير بحاجة لهدوء بسبب تقلبات الوضع الي عم تمر في .. المتزوج بدي منك لا تعتب على حدا ماكان بيستاهلك ولا تزعل على شي واي قرار مهم بهاليوم حاول تتجنبو وبنصحك تفكر منيح بوضعك اكتر وأنتبه على مستقبلك العاطفي .. الاعزب فترة مهمة مقدم عليها عاطفيا ً واجواء حلوة ..
صحياً:بحاجة لتنتبه لتنظم وقتك الغذائي وخفف تناول الاكل الجاهز وانتبه لصحتك او صحة حدا بالعيلة ..
❤غنيتك❤اليوم:تعد للعشرة...أدهم النابلسي..

 

توقعات برج العذراء اليوم الثلاثاء 30 مارس 2021 


العذراء ♍
مهنياً:تغيرات بوضعك وانت افضل دراسة ومال ومعاملات واوراق .. يوم للعلاقات والاتصالات لكتيرة وناس مقربة منك وبلاخص الامور المالية في قبض ودفع وديون مالية وقصة سيارة او موبايل وعم تزيد شعبيتك وقصة ع مواقع التواصل .. عندك قدرة ع الأقناع وبتلاقي حلول وسفر قصير .. والبعض في حركة تجارية وبيع وشراء وعقار ..
عاطفياً:علاقتك عم تمر بفترة اختبار في تقارب واتصال طويل ولقاء .. اعطي اهتمام لوضعك العاطفي ولا تكبر المشاكل وفيك تناقش بهدوء وتحكي كلشي جواتك ويمكن بتلاقي حلول وتغيرات بوضعك بعض شيء .. بتفكر بلقاء او جو رومنسي مع شخص قديم او ممكن تبادر بأتصال او تواصل والبعض عندو مفاجئة حلوة بلاخص الاعزب ..
صحياً:ريح حالك في تعب وارهاق والبعض التهابات او كريب ..
❤غنيتك❤اليوم:سبت فراغ كبير .. عمر دياب

 

توقعات برج الميزان اليوم الثلاثاء 30 مارس 2021


الميزان ♎
مهنياً:عم يدور يومك بقصص مالية وعم تشتري شي وفي مبلغ مالي منيح ودفع ومصاريف على عقار او سيارة وعزائم وصحة .. يوم عم تحسب في شو الك وشو عليك وبحاجة لموارد جديدة لتحسن وضعك بعد مصاريف كتيرة هالفترة واذا بحاجة لمساعدة لا تتردد .. أنتبه من الكسل وحاول تستغل طاقتك ولا تستسلم لشي .. تطورات قدامك حافظ على اسقرار وضعك المالي والعائلي وبلاخص الامور المشتركة لتنجح ..
عاطفياً:حافظ على هدوئك ولا تخلي الملل يسيطر ..
هديلي بمعاملتك لانك بحاجة فعلاً للاستقرار العاطفي حاول تقرب وجهات نظر بعلاقتك وتبدأ بحلول جدية بينك وبينو هاشي بينعكس بشكل ايجابي عليك وعلى محيطك .. مصالحات و علاقات ولقاءات ممكن تتبلور هالفترة وعودة روح لعلاقتك بانسجام اكتر المهم مو كتير دخل الاوضاع الاخرى بالاخص المالية بعلاقتك ..
صحياً:امورك منيحة ورفه عن نفسك ونام منيح ولا تشغل بالك بالتفكير المستمر وريح جسمك ..
❤غنيتك❤اليوم:بعدك عم تخطر ع بالي .. يارا

 

توقعات برج العقرب اليوم الثلاثاء 30 مارس 2021 


العقرب ♏
مهنياً:حظ وطاقة واخبار وحلول لوضعك المهني ومالي والصحي .. في شغل جديد ونظام صحي وفكرة سفر عم تشغل البعض وقصة سيارة او موبايل .. يوم بترتاح في من ضغط مالي عائلي ثقة بترجعلك وعم تقلب الامور لصالحك.. اجواء حلوة اتصال مهم وتنقلات واجواء اجتماعية وممكن عم تتسوق وتشتري وتعمل تغييرات بشكلك وممكن تفكر بنادي رياضي او حمية ..
عاطفياً:حدد خياراتك واستغل يومك لو كان في تنازل وتقديم اعتذار ... الاعزب تطورات حلوة لصالحك وحب بدق بابك .. خبر حلو وبداية جديدة بعلاقتك واحساس جديد و تحسن وراحة واستقرار وممكن تأسس لمرحلة عاطفية حلوة واجواء بتكون لصالحك وفي شغف عاطفي .. والبعض في علاقات شغل عم تاخد منحى اخر من الحب ..
صحياً:بدك تنتبهلي على صحتك بهاليوم بعدو الوضع بدو اهتمام وحذر لترتاح واهم شي تعمل تغييرات بوضعك صحي جديدة ..
❤غنيتك❤اليوم:وانا بين ايديك .. صابر رباعي
 

توقعات برج القوس اليوم الثلاثاء 30 مارس 2021 


القوس ♐
مهنياً:بدك تروق هاليومين حاول لا تحسم امور مهمة وتركز بقراراتك وشغلك بعيد عن المشاكل ريح راسك وطنش .. بعرف تعبان من ناس الحواليك وفي تعب ونكد بشغلك وبيتك وعلاقاتك مع المسؤولين والمقربين الحذر واجب احسن ماتتسبب بخلاف مع حدا وعم تكشف ناس على حقيقتها .. قدامك كتير تحسن واخبار حلوة بس انطر هاليومين ليمرقو ع خير ... والبعض في قصة قضائية وزيارة لمركز امني او قضائي لا تاكل هم بتنحل بس نتبه لكلامك ونشالله في مين بيدعمك وبلاخص اذا موضوع بخص شريك عاطفي ..
عاطفياً:مانك مرتاح بوضعك لهيك لا تخلي حداةيدخل بوضعك ممكن يزيد الوضع سوء وتوتر وعم يكبر سوء تفاهم روق وهدي حالك وبمعاملتك مع الشريك مابدي منك تفقد الامل وتكبر القصص بشوية تركيز وصبر ولا تخاف كون جريئ وحط نقاط على الحروف.. لازم يكون في شوية تنازل ومسايرة لتتحسن الامور هاليومين .. لاعزب او المرتبط جديد الوضع غير بكون وامورك افضل وتواصل بزيد ..
صحياً:لازم تهتم بصحتك ولا تهملها بلاخص هاليومين ريح حالك ولا توتر حالك وتعصب اوقات البرودة من الاشخاص عم تعبك وتعصبك زيادة ..
❤غنيتك❤اليوم:شتقتلك انا .. راغب علامة

 

توقعات برج الجدي اليوم الثلاثاء 30 مارس 2021


الجدي ♑
مهنياً:بتبلش ترتاح بهاليوم وتطلع من ضغط الي عليك
عندك ناس وعزائم واصدقاء وعلاقات بترجع وعم تلاقي تحسن بوضعك المالي والمهني وبأمور بتخص عقار وفي دعم ومساعدة من رفقات ومن حدا بالبيت وفي لمة حلوة وشغل في من وراه مال .. يوم اجتماعي عم تفكر بأمور مستقبلية او شي مشترك استفيد من طاقتك لتتغلب على صعوبات وأنتبه من ناس الي بوجهين يوم جيد لتنهي اعمالك بعد فترة كان فيها ضغط مهني وعائلي ..
عاطفياً:ارتباط او علاقة عم تتحول لحب وامور سرية عند البعض والمرتبط هدي الوضع ولا تندفع كتير
يومك جيد عم يكوم في تقارب واهتمام وفي مفاجئة حلوة وافكار جديدة جذاب وحليان اوقات حلوة عم تقضيا وعم تحط نقاط على الحروف وتواصل ولقاء وعلاقة حميمية ..
صحياً:عم تحس بصداع ودوخة لازم تنظم اكلك وبلاخص وجبة لفطور وشوية تعب بين الاكتاف ..
❤غنيتك❤اليوم:روح ولا تنسا يوم .. جورج وسوف

 

توقعات برج الدلو اليوم الثلاثاء 30 مارس 2021 


الدلو ♒
مهنياً:يوم عم يكون عندك شعبية وشهرة وعم تتحرك باكتر من اتجاه وعم يكون في لقاء او تواصل مع ناس مهمة وصديق داعم الك بشغلك الاضواء مسلطة عليك هالفترة بس انتبه الغلط او تعمل مشكلة مع مدير او حدا مهم بشغلك ولا تتأخر بتنفيذ اعمالك ورتب امورك وقصة أب بتشغلك .. وضعك بعدو تحت الاختبار لهيك لا تستعجل بشي وخليك محافظ على سمعتك .. قصة او اتصال بخص وظيفتك او شغل ويوم أجتماعي وناس كتيرة ..
عاطفياً:عم يكون في اشخاص عم ترجع وناس وشخصيات عم تبدي اعجاب فيك وممكن حب عن طريق الانترنت افتح قلبك من جديد لانك بحاجة لشخص يطالعك من وضعك .. بس المرتبط والمتزوج لازم تنتبه ع وضعك العاطفي وتساير ولا تصعد او تخلي اي سوء تفاهم يسبب بتفاقم الامور او توصل لطريق مسدود ..بعض نساء ممكن في عندن حرد روق وهدي حالك ع الاقل هاليومين ..
صحياً:عم تتجنب اي شي ممكن يأثر على صحتك او يزعجك رغم ضغط الي عليك ..
❤غنيتك❤اليوم:لو حبنا غلطة .. وائل كفوري

 

توقعات برج الحوت اليوم الثلاثاء 30 مارس 2021 


الحوت ♓
مهنياً:من الايام الي بتعطيك الكاريزمة والبرستيج العالي والي بتكون محوري بلقاءات وبين رفقاتك وعم يكون في تنقلات او لمة حلوة وعزيمة وممكن تحصل على سفر او شي بخص سفر وعم تتواصل مع ناس بعاد عنك وبساعدوك في فرصة حلوة او البعض ممكن يجي مال او حوالة وعم تكون منفتح ع الخارج .. حتى البعض عندو شي بخص دراسة او عقود ..
عاطفياً:عندك قدرة على جذب اشخاص الك وتعارف بيكبر وممكن سفر للقاء عاطفي عند البعض .. من الايام الي وضعك بيتغير وفي مفاجئة بيومك واعجاب مشترك وصدفة وفيك تعمل مصالحات ويرجع تواصل من جديد وثقة عم تكبر وشخص قديم بحاكيك ..يوم منيح وتطورات حلوة عند الاغلبية وبلاخص لاعزب جهز حالك لتعارف وشي ممكن يغير حياتك قريباً ..
صحياً:خفف من تناول الوجبات بوقت متأخر من لليل وتابع وضعك صحي ..
❤غنيتك❤اليوم:عيون القلب .. نجاة
المصدر : admin
المرسل : news lobnanuna
منذ 2 أسبوع 3 يوم 14 س 17 د 17 ث