Logo of lobnanuna

أبراج اليوم الجمعة_21 _2021

#الحمل ♈
مهنياً: مانك مرتاح بنهارك في ضغط عليك والمسا نوعا ما في راحة .. بدك تحافظ على هدوئك بنهارك وبلا عصبية واستفزاز .. شوية ضغط بنهارك ويمكن قصة حدا من اهلك عم تشغلك وعم تشتغل بالبيت ومرهق .. البعض عندو خبر حلو ناطرك واتصال بخصوص شغل او سفر .. المسا انت افضل عندك دراسة لفكرة جديدة او شغل شراكة او مال علاقات مميزة وناطر حدا او قصة حدا مقرب او أخ وفي عزيمة كمان ..
عاطفياً ❤️ :المرتبط تجنب الاصطدام مع الشريك في قلة اهتمام وعدم الامبالات هاشي ممكن يوصل لتوتر وزعل او البعض ممكن ينهي علاقة متعبة البعض فرصة لتم شراكة او اعجاب عم تتوضح وانت بحاجة لشخص يستاهلك ويهتم فيك ويعطيك راحة العاطفية .. حدث مهم ايجابي قادم او تحديد موعد وشي معنوي بيوصلك من شريك ..
صحياً:شفاء من مرض او خبر صحي منيح للبعض وانتبه على زيادة الوزن وعكة بتخص شريك او اخ ..

#الثور ♉
مهنياً:بنهارك في حلول ولاجواء افضل خبر منيح واتفاق وبيرجعلك شي فقدتو وعزيمة وناس جديدة .. المسا مضغوط شوي حاول تكون بعيد عن نقاشات ولقاءات الي بلا طعمة نظم امورك ورتب وضعك وفرصة عند البعض ليدخل شغل جديد او تتلقى دعم ومساعدة وهاشي كلو رح يحسن وضعك صحي ونفسي تدريجي المهم لا تعب حالك بنقاشات ولقاءات فاضية .
عاطفياً ❤️ :يومك بحاجة لمبادر او تكون رايق بلاخص اذا في لقاء .. اجواء ايجابية تواصل واتصالات وحل لوضع عندك والبعض عندو ارتباط .. بنصحك تبعد عن علاقات متعبة او قديمة ع البال وهاشي صار لازم تحطلو حد المسا في عتب ولوم واسئلة بتحس فيها شكوك أنتبه لردت فعلك وتصرفاتك ولا تخاف نشالله الامور نحو تحسن ومتل مابدك لمهم تنتبه لكلامك وحكيك وتبعد عن اي توتر .. لبعض بفوت بارتباط جديد وضبابية بتروح وبتحسم امورك .
صحياً:تحسن صحي الك بعد تعب رافقك .. والبعض انتبه على صحة حدا مقرب المسا..

#الجوزاء ♊
مهنياً:مو مرتاح بنهارك وبلاخص من المحيط والمسا امورك بتنقلب وبتصير افضل هاليومين .. شوية قصص بالعيلة وشاغلك وضع البيت او حدا من اهلك وتصليحات او نقل وممكن سوء تفاهم مع حدا بعيلتك او عزيمة وعم تهتم بحدا ضب ايدك على مصاريفك المالية وممكن تقبض كمان ..المسا طاقتك بترجعلك وتدريجي بتتحسن امورك وخبر حلو ومفاجئ واجواء واتصالات وانطلاقة جديدة ..
عاطفياً ❤️ :عندك ضبابية بنهارك وبتحس تفكيرك واقف وافكار بتاخدك وبتجيبك لا تخلي هاشي
يطور لمواجهات ونقاشات حادة مع الشريك .. المسا انت افضل لتلاقي الحلول وبتخف ضغوط والحظ بساعدك لارتباط جديد او قديم ع بالك استغل المسا للاتصالات واجواء رومنسية وتواصل او لقاء ولتهدي الوضع مع الشريك .. والبعض حب عم يطور ..
صحياً:شفاء من مرض والبعض لا تجهد حالك بشي مو الك ..

#السرطان ♋
مهنياً: بنهارك افضل اجواء واختبار ولقاءات والمسا قصص مدري من وين بتطلع وبلاخص بالبيت .. يوم منيح اذا عندك تواصل واشخاص كتيرة وعم تطلع تغير جو وفي ناس جديدة وعلاقات رح تكبر وممكن على مواقع تواصل والبعض بفكر بسفر هالفترة قصص عقارية وبتخص منزل بتشغلك بتفكر بنقل سكن او مكان عملك وعندك حركة اتصالات يمكن بخصوص بيع او شراء ونقاش مالي والمسا اجواء عائلية وقصة بتخص حدا من عيلتك او علاقتك عم تكون مع الأهل ..
عاطفياً ❤️ :بنهارك افضل في انسجام وتواصل ولقاء او اتصال المسا أنتبه من سوء تفاهم ولا تكبر القصة .. تصرف بدبلوماسية وافتح صفحة جديدة بلاخص في نقاشات واوراق قديمة ومطالب جديدة وبعد عن الماضي .. وقصة عاطفية بالعيلة عند البعض ..
صحياً:المسا انتبه على صحتك وصحة حدا بعيلتك وكلام بحقك ..

#الأسد ♌
مهنياً:عم تشغلك قصص مالية بنهارك ومصاريف وعزائم وصحة ومستلزمات ونتبه من شوية اعطال عندك ورتب امورك وحاول بنهارك لا تعمل شي مهم .. المسا انت افضل بتتخلص من بعض العراقيل بتتلقى اتصالات كتير وفي لقاء مهم وحركة وحرية اكتر وتنقلات وعزيمة وبدك تشتري شي جديد وقصة موبايل وبيشغلك موضوع سفر او بدك تجهز لسفر او مشوار هاليومين ..
عاطفياً ❤️ :خفف نقاشاتك وكلام مستفز وانطر للمسا على الاقل .. بتعاني من سوء تفاهم وردة فعل ومشكلتك عم تكبرها ومو راضي عن الوضع عم توجع راسك بقصص صار فيا حكي كتير او في شكوك عندك الوضع مو لصالحك لاتخلي امور صغيرة تخرب العلاقة روق وهدي واعطي شريك فرصة .. المسا بتحل شوية مشاكل اتصال طويل وتواصل وبتقنع بوجهة نظرك والبعض بقضي هاليوم سهرة مع الشريك او مشوار حلو .. ويبدو في شي سري او علاقة سرية ..
صحياً:تحسن صحي نفسي بس بلا عصبية وانفعال وخفف اكل بهاليوم اذا في عزيمة ..

#العذراء ♍
مهنياً:امورك بنهارك افضل خلص المهم عندك اهتمامات شخصية وتغيرات عم ترتاح من بعض ضغوط وعندك راحة وتحسن .. المسا في قصص مالية بين قبض ودفع وامور مالية رح تشغلك وعرض جديد في نقاش في حكي ومستجدات بشغلك وبالمال او بدك تشتري او تغير شي لهيك ضب ايدك وفي مصاريف على عزائم وصحة وعلى حدا من اهلك ..
عاطفياً ❤️ :استغل هاليوم لتلاقي حلول لمشاكلك وتعزز علاقتك بشريك وتقرب منو نهارك حلو ورومنسية ويفضل تكون الاتصالات او لقاء بنهار ولا تأجل شي المسا حاول تهدي وتحافظ على الاجواء لا تتسرع بقراراتك وخفف من نقاشاتك بلاخص المسا .. الاعزب لا ضيع وقتك بعلاقات مامنها نتيجة بتعبك وبتجبلك الهم ..
صحياً:تعب والجهد ممكن يأثر على صحتك لهيك ريح حالك ..

#الميزان ♎
مهنياً:مانك مرتاح صبح والامور افضل المسا .. بعدك محتار وامورك ماعم ترتقي لشي لبدك ياه لا تستعجل وهدي بنهار وانتبه من سوء تفاهم بعلاقاتك وعلى امور صحة ..تدريجي بتتحسن طاقتك وثقة بتعود من جديد وبتتجاوز بعض المتاعب وحل لقضية متعبة ..المسا حظ واخبار منيحة واجواء حلوة وشي بخص شغل ومال وعزيمة ..
عاطفياً ❤️ :عتب ولوم وبدك تروق بنهارك بلاخص انت نازل اسئلة وحكي كتير لا تكبرها مشانك بيتحسن يومك جاذبيتك وسحرك بيرجعو والعين عليك واخبار بتريحك .. استغل فترة المسا لتحسن الوضع وتقضي مع الشريك بسهرة او اتصال وتواصل والبعض في اعجاب وبداية لارتباط جديد او في تقارب وانسجام هاليومين واتصالات كتيرة من المسا وتواصل مع شخص بعيد عنك .
صحياً: لازم تاخد شوية احتياط بوضع الصحة مابضر ولا تعب حالك امورك بخير انشالله ..

#العقرب ♏
مهنياً:استغل نهارك بمشوار وعزيمة غدا ومن المسا في تعب وضغط .. علاقات اجتماعية وناس بتحبا واجواء حلوة بنهارك وناس بتحبا .. المسا قصة عم تتأجل ومانك مرتاح حاول تهدي من بعد ضهر بما يخص يخص المال او نقاشات المالية والمصاريف وامور طارئة عندك التزامات وشوية شغل خلص ولا تتأخر والبعض عندك اختبارات ..
عاطفياً ❤️ :أبتعد عن الازعاجات والمضايقات ولا تخلي حدا يدخل بعلاقتك وكون حريص بامور العائلية ممكن تدخل بوضعك بعدا العين عليك لهيك كون حذر .. اجواء فيها حب واتصالات وتواصل واجواء اكثر حميمية وعلاقات صداقة ممكن تتحول لحب بقادم الايام ..حاول تتريث ولا تستعجل بج شي أنتبه لثقتك بمين بتحطها ولا تعمل مشكلة المسا تسبب سوء تفاهم ..
صحياً:طاقتك بترجعلك وتحسن تدريجي وبتطلع من وضع صحي ..عليك بممارسة المشي يومياً …

#القوس ♐
مهنياً: علاقات وقصص بشغلك او مكان مهم قريباً .. مضغوك و بدك تلحق مانك مرتاح باول نهارك وفي قصص بشغلك وبالبيت وأمر طارئ وانتبه لعلاقتك مع محيطك او مع حدا من اهلك شوية ضغط صبح وبعد ضهر قصص مالية وبدك تنطر ورقة هاليومين .. بيتحسن وضعك وفي مساعدة واجواء اجتماعية وتواصل وعزيمة وسهرة حلوة وبتتلقى اتصال مهم وفي هبة او هدية عند البعض .
عاطفياً ❤️ :حاول تهدي بنهارك وبلا انفعال وعصبية وأهتم بحالك اكتر وجهز حالك لحظ معك .. في حكي كتير بيومك وشريك عم يطلب ويحكي كتير وعم يعلق عللى كلشي .. بدي منك تتفهم الامور وتبرر موقفه وتمرقها على خير صلح الوضع وكون دبلوماسي ولا تكون عنيد على امور مو مستاهلة .. امورك المسا افضل تطورات عاطفية وعلاقات حميمية ولقاء مهم وعلاقة ممكن تطور لحب ..
صحياً: بدي منك تريح حالك وتهتم بحالك بعدو الوضع الصحي مو جيد وحاسية من الجو ..

#الجدي ♑
مهنياً:بنهارك افضل تواصل وناس كتار وبعيدة واجواء حلوة عزائم واتصالات وفي قلق من قصة بس لا تخاف .. تنقلات وحركة ومسؤوليات وضغط شغل عليك بالبيت كمان .. بترتاح من قصة متعبة او كنت اكل هما اتصال وتواصل وناس جديدة وعزائم وسفر للبعض اذا ناوي .. خلص المهم ومصاريف كتيرة والبعض في قصة شراكة او عقار بتشغلك وركز منيح اذا عم تحضر الاختبار او امتحان .. المسا قصة بتخص شغلك او وظيفتك اجواء اجتماعية حلوة رغم ضغوط والمسؤوليات كون اجتماعي وشخصية مهمة او مشهورة بتتواصل معك ..
عاطفياً ❤️ :لا تفكر كتير وشيل شكوك من راسك وخفف نقاشات بلا طعمة بلاخص انو شريك مو رايق استغل فترة نهارك لتغير الامور وتواصل افضل وحدا عم يتقرب منك ..المسا حاول تتخلص من بعض ضبابية بعلاقتك وتعالج بعض المسائل وشكوك ولا تكبر الامور بالوقت الحالي بتوقع نشالله بتنجح بهاشي بدك تساير مو طالع بلايد شي ..
صحياً:مانك مرتاح صحياً في خربطة بجسمك وارهاق نام منيح وبلا سهر هالفترة لان جسمك مرهق .. البعض ممكن في مشفى واو طبيب وقصة صحية ..

#الدلو ♒
مهنياً:مال بنهار ومصاريف والمسا لامور لصالحك .. يوم للمال والالتزامات وضب ايدك وبتجهز لاختبار وتنقلات قصيرة واتصال بعيد .. بتتخلص من بعض القصص المتعبة وانفراج بوضعك وعم تعيد حساباتك المالية ومال بيشغلك وفي دفع وناس عندك ضب ايدك لان في تسديد لالتزامات وديون وقصة بيع وشراء .. المسا بتتحسن الامور فيك تتحرك وتتنفس الصعداء وبتسمع خبر بخليك تتفائل طاقة وحظ واتصالات حلوة وحركة اكتر وناس جديدة.
عاطفياً ❤️ :في قلق عم تحس في بلاخص انت تعبت وبدك تستقر وترتاح من كلشي لا تتسرع وخود وقتك واذا بيستاهل مرقا اليوم مرق نهارك على خير والمسا انت افضل بترتاح ولامور بتكون لصالحك قرار مهم واتصال عاطفي وجذاب وساحر في اعجاب وفرصة ارتباط وممكن صدفة او شريك قديم بيومك والبعض في حكي بسفر او لقاء بشريك ..
صحياً:رح جسمك ولا تفكر كتير وخفف شرب منبهات ونام منيح ..

#الحوت ♓
مهنياً:يوم مو مرتاح في شراكات وناس كتار والمسا مال والتزامات ومصاريف بالبيت وعالعيلة .. هدي بنهارك بشغلك او بعلاقاتك مع الاصدقاء في ضغط وشغل ومسؤوليات حاول لا تعصب .. امورك المسا افضل حلول ومال بس ضبلي ايدك في صرف لا تأجل شي واستغل الاجواء وعندك تسديد التزامات وقصة دين او ميراث وقصة مالية عم ينحكي فيا مع حدا من أهلك ..
عاطفياً ❤️ :بحاجة لتسيطر ع الوضع من جديد ولازم ما تتهاون مع الشريك شكلو بلش يتمادى .. فكر منيح قبل ماتاخد اي قرار مهم حتى ماتندم في ضغوط ومجبر على شي واقتراحات ماعم تلبي طموحاتك لمسا امورك بتكون افضل لتلاقي حلول وفي اعجاب وبنصحك خود وقتك .. البعض في قصة عاطفية بالعيلة عم تاخد وقت ونقاش وشريك عم يفتح مواضيع مو وقتا هاشي عم يأثر سلبي بلاخص المتزوج..
صحياً:ريح حالك وانتبه من طقس والمسا يعني امورك بتبلش تتحسن وترتاح ..

المصدر : admin
المرسل : news lobnanuna
منذ 2 شهر 1 أسبوع 6 يوم 19 س 56 د 45 ث