Logo of lobnanuna

ابراج اليوم الاربعاء 05 يناير 2022

حركة الكواكب ليوم الاربعاء 5 يناير
القمر☽ ♒ بالدلو الهوائي كوكبه أورانوس ..
عطارد☿ بالدلو يبدأ فترة ماقبل التراجع ولا يوجد تأثيرات حالياً .. ويبدأ تراجع فعلي من 14 يناير
زحل ♄بالدلو طيلة العام
الشمس بالجدي حتى 19 يناير
المريخ♂ بالقوس حتى 24 يناير
الزهرة ♀بالجدي متراجعة حتى 29 يناير
المشتري ♃بالحوت حتى الشهر الخامس
اورانوس ♅مازال متراجع حتى 18 يناير
نبتون ♆مازال في الحوت
بلوتو ♇مازال بالجدي
مازلنا نشهد اقتران مهم للقمر وزحل وعطارد في برج الدلو و اقتران الشمس والزهرة وبلوتو في الجدي ..

 

توقعات برج الحمل اليوم الاربعاء 05 يناير 2022


الحمل ♈
مهنياً:أجواء حلوة وتطورات رغم عندك شغل وعم تبدا بداية يوم في مسؤوليات والوقت ضيق شوي لكن بالمجمل يوم حلو حاول تستفيد منو لصالحك والمال بيشغلك بهاليوم وممكن يزيد مدخولك واصدقاء وزيارات واكل طيب وعم تتلقى دعم او عم تساعد شخص واشخاص بترجع تحاكيك ..
عاطفياً:جاذبية بيومك وعم يكون في اعجاب من اشخاص فيك ولازم تستغل هاشي لتحسن وضعك وعم تفصل كتير امور عن العاطفة وفي نقاش او مصير علاقة عم يشغلك .. شوية دبلوماسية ولا تعصب وتصعد الوضع وتجنب المواجهة .. البعض عم ينشط بعلاقات سرية واجواء حميمية وشغف عاطفي ..
صحياً:بترتاح من عارض صحي ومن صداع برأسك ومشكلة برقبة والمسا بترتاح اكتر ..
غنيتك اليوم
خلص اخدت القرار .. وائل كفوري
 

توقعات برج الثور اليوم الاربعاء 05 يناير 2022


الثور ♉
مهنياً:عم تهتم بوضع حدا بالبيت وفي لقاء مهم وشخصيات مهمة او اتصال مهم وفي مين بوقف حدك .. عم تعيد ترتيب الامور المالية والتزاماتك وكون حذر من المحيط ولا تخالف او تتمسك برأيك وتكون عنيد ولا تخلي حدا يوجهلك كلام مو منيح وحافظ على اسرارك .. في شغل واتصال او لقاء وعرض جديد وممكن توصل لحلول مالية والبعض قصص بتخص وظيفة او مكانة بشغلك قريباً ..
عاطفياً:رغم الاشخاص لكتار حواليك بس شكلك مو
رايق وضايج وماعم ترتاح وقصص ماعم تكمل وعم تعاني تأجيل وشريك ماعم يهتم ولا فارقة معو والمشكلة انت ماعم تقدؤ تحسم الامور وكتير في خربطة بلافكار وكانو اب او اخ عم يسببو للبعض مشاكل عاطفية مهما كان انتبه تبادر وطنش قد مافيك .. اصبر هاليوم وتطورات قادمة منيحة وانطر شخص رح يدخل حياتك او قديم بيرجع ..
صحياً:بتطلع من تعب صحي ان شاء الله لمهم تعطي الاهتمام لصحة ولا تخلي حدا يضعفك ..
غنيتك اليوم
انت فاكر .. جورج وسوف
 

توقعات برج الجوزاء اليوم الاربعاء 05 يناير 2022


الجوزاء ♊
مهنياً:يوم في حرك ونشاط واتصالات ماعم تهدا ومن اشخاص بعيدة وفي اوجه غريبة وعم تفكر تغير مكان او تسافر وعم تدخل نقاشات مهمة وعم تبني امال كبيرة عليها عم يتحسن وضعك المهني ودراسي او ممكن تحصل على شهادة ما وعم تجهز الاختبار ويمكن عم تستقبل شخص غالي او قادم من سفر وانتظر خبر حلو او شي بخص المال او حوالة او ممكن هدية .. بل تتردد بشي ولا تخاف وفكر بمستقبلك اكتر ..
عاطفياً: أستغل طاقتك لتلاقي حلول وتتعامل بمرونة اكتر وتعالج الوضع الي انت في .. برغم الحظ معك ومن الايام المميزة عندك لتتقرب وتلاقي حب ورومنسية واجواء حلوة بلقاءات واتصالات ولتمتلك قلب الشريك بس المهم تعرف شو بدك ولا تتردد وقريباً حدث مهم بخطبة او زواج .. ولاهم انك رح تبلش تطلع من وضع سلبي ومن هالفتور والبرود الحاصل بوضع ..
صحياً:لازم تتقرب من ناس بتحبن والي بيعطوك طاقة ايجابية وبريحوك نفسياً ..
غنيتك اليوم
كنا تفقنا نهار .. مروان خوري
 

 
 

توقعات برج السرطان اليوم الاربعاء 05 يناير 2022


السرطان ♋
مهنياً:عندك كتير شغل وضغط لتخلص المهم وضروري وترتاح تطورات بوضعك بس بحاجة شوية تركيز لتوصل وتنجح وهدوء اعصاب ولا تكركب حالك .. ناطرتك اجواء حلوة وعزيمة ورح تحملك تطورات بتخص المال وتحسن هالفترة بشكل منيح وممكن في مناسبة او سهرة والبعض في مفاجئة قريبة والمال وشراكة عم يشغلوك بهاليوم ..
عاطفياً:بعرف عندك مشاكل ومو ناقصك لسا ومواجهات مفتوحة وعم تلاقي صعوبة بحل الامور بس نصيحتي الك لازم تفكر بالحل السريع وتحسم خياراتك ولا تخاف المهم شوية هدوء .. بصير تواصل أو لقاء واتصالات واجواء افضل بلايام القادمة والاعزب حرك حالك واستغل الفرص ..
صحياً:في اوهام عم تعب نفسيتك وارهاق شديد وشي بخص الجلد ونفور لحب الوجه ولازم تشوف طبيب ..
غنيتك اليوم
بعدك ياهوى .. مروان خوري
 

توقعات برج الاسد اليوم الاربعاء 05 يناير 2022


الأسد ♌
مهنياً:بدي تركز هاليوم منيح عندك شغل او مهمة جديدة او شراكة عم تتطور بس بنفس الوقت في اشخاص مابتريد الخير الك وعم تحاول تقلل من قدراتك وتوقعك بأخطاء .. شوية دبلوماسية وتروي ولازم تكون بعيد عن اي مواجهة او عصبية وقد مافيك ساير وعد للعشرة ولا تتسرع وتنجر ورا رغبات البعض وشراكة جديدة وخبر او اتصال بريحك وممكن تحصل على مال من شراكة او جمعية وعقد جديد او البعض بيدخل شراكة جديدة واتفاق جديد ..
عاطفياً:روق وخففلي هالعصبية وشكوك احسن ماتكبر القصة وتخسر عيد حساباتك منيح ولا تضغط على شريك وتكون استفزازي بلاخص المتزوج عم يكون في ضغط عاطفي عليك وبتحس بعدم الانسجام وراحة وماعم تستوعب الشريك وانت عندك قلق من بعض تغيرات او من حدا عم يدخل بينك وبين شريك والمي عم تمشي من تحتك ..لاعزب ارتباط وتتطورات بالعلاقة لشي مستقبلي ولقاء منتظر والمرتبط جديد عم يعيش اتصالات واجواء حميمية بيومه
صحياً:مشاكل بالمفاصل والعضلات والوزن الزائد وصحة شخص بالبيت ولازم تنام وتريح حالك ..
غنيتك اليوم
حب ايه .. ام كلثوم
 

توقعات برج العذراء اليوم الاربعاء 05 يناير 2022


العذراء ♍
مهنياً:عم يكون عندك فرصة لشغل جديد وعم تقدر ترتب امورك وتتجاوز الالتزامات وضغوط واي امر طارئة بيومك لهيك بدي ياك تخلص المهم وضروري ولا تخلي لاعمال تتراكم عليك بالبيت وبشغل ولا تعب حالك وحافظ على صحتك وممكن تدفع مبلغ مالي ويمكن في سفر او شخص قادم من سفر .. ريح حالك وانتبه على صحتك وصحة مقرب منك ..
عاطفياً:المرتبط في استقرار بعلاقتك مع شريك واجواء اكتر هدوء ونقاشات منيحة .. والاعزب شخص عم تتطور العلاقة معو ممكن من داخل الشغل او زميل وفي حسم هالفترة .. بعرف انك بحاجة للاهتمام ولمين يقدر وضعك وتعبك بس بدك تتحمل شوي ضغوط هاليومين ولا تفكر بسلبية بعرف عندك التزامات حاول ماتكبر القصص وافصل بين شغلك والتزاماتك والعاطفة ..
صحياً:أنتبه من مشاكل المفاصل والوزن وريح حالك قد مافيك ..
غنيتك اليوم
شدني غمرني .. ادهم نابلسي
 

توقعات برج الميزان اليوم الاربعاء 05 يناير 2022


الميزان ♎
مهنياً:رغم كل ضغوط عم ترتب امورك وطاقتك عم ترجعلك وفي اخبار حلوة ومصالحات وحلول وعم تقضي اوقات ممتعة وعزائم وعم تشوف اشخاص جديدة او قديمة عم تتجدد .. وفي مين عم يساعدك وعم يوقف حدك ومصاريف مالية على العيلة والمستلزمات وعم تشتري شي مهم والبعض عم تشغلو قصة انجاب او عملية بتخص الانجاب ..
عاطفياً:امورك افضل وحسم بيومك لافكارك وعلاقاتك واجواء فيها شغف وحب ورومنسية ومشاعر ماعم تقدر تسيطر عليها بس كمان انتبه من الاستغلال والمصلحة .. وفرصة لتعزز علاقتك وتطور مع شخص قديم واذا كان في توتر عاطفي عندك بتوقع تسيطر على انفعالك وتكون افضل ..
صحياً:خبر بخص طفل او اخ وبعد عن العصبية والمزاجية ويوم بتكون بوضع صحي جيد وتحسن بكون تدريجي ..
غنيتك اليوم
في شي اسمو وفا .. وائل كفوري
 

توقعات برج العقرب اليوم الاربعاء 05 يناير 2022


العقرب ♏
مهنياً:علاقات اجتماعية ويومك في اهتمامات عائلية ويمكن عم تزور اهل واخوات وعزائم وعم تغير مكان وعم يكون في قصة اخ او اخت عم تشغلك وعندك واجبات بالعيلة ولازم تلحق وضب ايدك مالياً لجيوب فاضية .. خليك هادي لو في قصص طارئة وشي اضطراري لمهم لا تتسرع وتجنب الانفعال وتوتر بالعيلة بعد هاليوم انت منيح وتطورات ايجابية مهمة بلاخص بالعاطفة ..
عاطفياً:الاعزب في شي جديد ناطرك وحكي عم يطور والمرتبط جديد فكر بعلاقاتك الحالية وكيف ممكن تستثمرها صح وبعد عن الماضي المتعب .. ماعم تكون مرتاح وفي بعد بالمشاعر وسوء تفاهم وتوتر زايد ركز منيح لتتجاوز هالقلق وليكون في خطوة جديدة بلاخص المتزوج .. بعرف ماحدا بيستاهل وماحدا عم يفهم عليك وكلن مصالح بنهاية .
صحيا:عارض صحي ممكن الك او لحدا بالبيت و طبيب والتهابات عند البعض ..
غنيتك اليوم
وحكايتك ايه .. عمر دياب

 
 

توقعات برج القوس اليوم الاربعاء 05 يناير 2022


القوس ♐
مهنياً:القمر داعم الك بتغيرات ايجابية لكن الشمس عم تسبب ركود مالي .. يوم في تحسن نوعا ما افضل مشغول بكتير اتصالات وتنقلات وماعم تهدا والكل عم يطلب منك .. في سفر قصير او مشوار ولمة ولقاءات وعم تقدم الي فينك عليه قصة اخ او شخص مقرب والمصاريف عم تزيد ويمكن تقدم شي لشخص .. ولازم تحسم امورك بشغلك وانتظر تلفون او خبر مفاجئ وعم تشغل لبعض قصة ادارية او قضائية وحركة اوراق وموبايل او سيارة وتصليحات بيومك ..
عاطفياً:لا تتشائم من شي ولامور بتوقع بعدا بمتناول اليد لمهم شوية تركيز وتروقلي حالك شوي لتعرف شو تتصرف .. فرصة لتفاهمات ولتطلع من حالتك نفسية الصعبة يومك حلو بشوية دبلوماسية لقاءات واتصالات وبتقضي وقت حلو وفرصة لتطلع مشوار وتغير جو و مفاجئة بيومك .. تواصل طويل والموبايل بايدك ومواقع تواصل عم تلعب دور ..
صحياً:ريح حالك ولا تعب جسمك واذا في شي صحي شوف طبيب وبلاخص اذا في عملية او تجميل وممكن زيارة لمريض ..
غنيتك اليوم
عندك هواية .. ملحم زين
 

توقعات برج الجدي اليوم الاربعاء 05 يناير 2022


الجدي ♑
مهنياً:سهر طويل وحكي كتير وزيارات واشخاص كتار وتعبان جسدياً لازم تبعد عن الاجواء الصاخبة وتريح حالك منيح .. ويومك بعدك مشغول بقصص مالية بين دفع والتزامات ومصاريف طارئة وعزائم في شغل كتير رغم بعض الامور عم تتأجل بس كتير هالفترة بحاجة لموارد او دخل مالي .. عيد حساباتك ورتب امورك المالية وفي شي بخص وضع عندك شاغلك كتير وتنقلات قصيرة وناس جديدة ومصاريف مالية ع البيت ..
عاطفياً:لاعزب امورك افضل رغم الوحدة بس في علاقة عم تكبر واجواء حميمية .. المرتبط عندك حاجة ورغبة لتكون مع الشريك بس لا تشغل حالك بلافكار المتعبة ولا تخلي سوء تفاهم صغير يعمل مشكلة كبيرة وخفف شكوك وغيرة والمتزوج لاتخلي قصص المال تعمل مشكلة مع شريك .
صحياً:انتبه من كريب وفي تشنجات وتعب عضلي وتفخة انتبه لاكلك ومشاكل الوزن الزائد ..
غنيتك اليوم
اللي اديتهم زماني .. جورج وسوف
 

توقعات برج الدلو اليوم الاربعاء 05 يناير 2022


الدلو ♒
مهنياً:عندك ثقة ومتحرر اكتر وامور عائلية وزيارات وتغيير بشكل وتواصل مهم او مكان جديد قريباً عم تطلع من فترة متوترة او ماكانت متل مابدك لا تتشائم وافتح صفحة جديدة .. يوم في تغييرات نشالله افضل ولصالحك وبتبلش طاقتك تتحسن وامور مالية هالفترة عم تشغلك وتحسن هاليومين المهم بدي منك لا تفكر لقدام كتير ولا تشتغل شي مهم بيومك حتى ما يتأجل ..
عاطفياً:الأعزب امورك افضل وحب وعاطفة وبلاخص المرتبط جديد وبعض المتزوجين في قلة ثقة وتسرع بالقرارات وشكوك عم تزيد .. لازم تستغل هاليوم الحظ بساعدك لمصالحة او تتواصل مع شخص لتغير من الواقع وتفتح صفحة جديدة وتجدد علاقتك وممكن يصير تفاهم على بعض نقاط .. المهم لا تستعجل بشي ولا تحسم الامور بشكل نهائي .
صحياً: مشاكل هضمية وتفخة والبعض وضع صحي عم يشغلوا ولازم تشوف أخصائي او تزور طبيب هضمية ..
غنيتك اليوم
ياحبيبي ليل مبارح .. مروان خوري..
 

توقعات برج الحوت اليوم الاربعاء 05 يناير 2022


الحوت ♓
مهنياً:تجنب توترات والمواجهات بيومك ولا تتسرع الحظ ما عم يحالفك وماعم يظبط شي او عم تلاقي تأخير وتأجل ببعض الامور وناطرك شي مهم هالفترة ونشالله رح تلاقي بس مرقلي هاليوم على خير .. حاول لا تشتغل شي مهم بيوم ضعيف الحظ و روق بعلاقاتك ونقاشاتك وقصة عم تصير بتعبك وبلاخص عائلياً وممكن البعض شخص مهم او مركز وناطر لقاء ولازم تهدي بيومك ..
عاطفياً:رغم الاشخاص الي حواليك بس ماعم تلاقي الاهتمام وبتحس في لف ودوران ومصالح وعلاقات ما منها نتيجة وهاشي عم يتعبك .. كتير بحاجة لشخص يكون سند ويوقف معك ومو على اي كلمة يعملك مشكلة او ناطرك على اي غلطة ليبلش .. حاول اليوم لا تحسم شي بالعاطفة وساير حتى ماتخسر .. عم تتحسن امورك من المسا وانطر اخبار حلوة وجاذبيتك بتزيد ..
صحياً:بعد عن الاجواء الصاخبة والمتوترة وريح حالك من شغل وناس سلبية لترتاح صحياً ..
غنيتك اليوم
مالحب ألا للحبيب لأولي .. حسين الجسمي ..

المصدر : admin
المرسل : news lobnanuna
منذ 2 أسبوع 19 س 56 د 19 ث