Logo of lobnanuna

ابراج اليوم الجمعة 07 يناير 2022

حركة الكواكب ليوم الجمعة 7 يناير
القمر☽ ♓ ببرج الحوت المائي كوكبه نبتون.
عطارد☿ بالدلو
الشمس بالجدي
الزهرة ♀ بالجدي
المريخ♂ بالقوس
زحل ♄ بالدلو
المشتري ♃ بالحوت
اورانوس ♅ متراجع بالثور
نبتون ♆ بالحوت
بلوتو ♇ بالجدي
يشهد هذا اليوم اقتران القمر والمشتري ونبتون في برج الحوت بلاضافة الاقتران الزهرة والشمس وبلوتو بالجدي واقتران زحل وعطارد بالدلو ..

 

توقعات برج الحمل اليوم الجمعة 07 يناير 2022 


الحمل ♈
مهنياً:علاقات كتير وعزيمة وسهرة وزيارات بس مانك مرتاح وعم تنزعج من بعض تصرفات والكلام الي عم يستفزك ومو متحمل حدا .. حاول شوي تنتبه على صحتك وع الوضع المالي ولا تفرض رأيك ولا تستعجل وتحسم امورك بيوم ضبابي ومانك مرتاح في وقصة عم تتأجل ..ناقش بهدوء وبدبلوماسية وخليك واضح حتى ما تنفهم غلط او توقع بمشاكل واستفزاز بشغلك ومع المحيطين ..قصة مالية ومؤسسة حكومية او زيارة مريض وصحة طفل والابناء ..
عاطفياً:تعبان وطاقتك سلبية ومانك مرتاح .. بس بدي منك تستغل وجود اشخاص عم تتقرب منك او عم تبادرك .. لا تفقد الامل وهدي بعلاقاتك وفكر بأيجابية ولا تتسرع وخليك دبلوماسي .. حضورك مميز وملفت لنظر لهيك ريح راسك وخلي خط لرجعة ولا تسكر الابواب كلها وانطر تغيير حلو بس مرق هاليوم على خير ونفسيتك غيرا شوي .
صحياً:شوية تعب وارهاق والملل عم يسيطر وتحسن تدريجي اذا عندك مشكلة صحية وعزيمة اكل بس انتبه من مشاكل هضمية وتفخة ..
غنيتك اليوم
لما همسة تقول بحبك..حسام جنيد

 

توقعات برج الثور اليوم الجمعة 07 يناير 2022


الثور ♉
مهنياً:يوم داعم وعندك تتطورات وشعبيتك زايدة ولازم كتير تستغل الفرص والعلاقات مع اشخاص جديدة وبتسمع اخبار حلوة وعم ضاعف جهودك وتفاهم وانسجام وعم يكون في لقاءات وعزائم وسهرة حلوة بيومك واذا بحاجة مساعدة لا تتردد واطلب .. استغل طاقتك اليوم لان الوضع المالي مدايقك وممكن تحصل على مال او قصة مالية عم ترجع من جديد عند البعض حاول تلاقيلها حل قبل ماتكبر او يكون في قصة بتخصك مع الاهل ..
عاطفياً:أستغل حضورك وجاذبيتك والعين عليك وفي أعجاب من الجنس الاخر .. استغل هاليوم وكون مع الشريك لتحسن من واقع العلاقة وأنتبه من اي اصطدام او تصرف غير محسوب .. اشخاص كتيرة عم تتقرب منك وعم تتحول علاقات لحب وصديق بتتواصل معو وممكن بداية لشيء جديد .. البعض عم يكون عندو علاقات سرية وانتبه من الاستغلال الجنسي وعلاقات تسلية والي عم تكون مضيعة للوقت او اشخاص عم تتقرب بقصد الاستغلال فقط لازم تميز وتركز منيح ..
صحياً:بتتجاوز وضع صحي ونفسي وتدريجي صحتك بتكون افضل .. والبعض حساسية زايدة وصحة احد لابناء ..
غنيتك اليوم
معقول حاقلك روح .. عمر دياب

 

توقعات برج الجوزاء اليوم الجمعة 07 يناير 2022 


الجوزاء ♊
مهنياً:امورك متقلبة واختبار لوضعك .. بس لازم تنتبه من محيطك وعلاقاتك ولا تخلي حدا يستفزك ويأثر عليك وانت مضغوط بكتير قصص بالبيت وشغل ويمكن اب او اخ وبحاجة لتلاقي حلول لمشاكل العمل والمال المهم تحافظ على سمعتك لان اشخاص ناطرينك ع دقرة ولا تخالف القانون بهاليوم ولا تعمل مشاكل برا البيت وجوا .. فرصة شغل جديد ونقلة نوعية ناطرتك واستغل شعبيتك لتعمل شهرة اجتماعية وتدريجي انت افضل واتصال وتواصل مع شخص مهم ..
عاطفياً:رغم الاحساس بالوحدة وشكوك لازم تخفف من حدة توترات وتتقرب اكتر ولازم تفكر تحسم امورك بيوم بحاجة كتير للمبادرة من الشريك وتقضي وقت طويل .. روق ولا تصعد الامور وكون دبلوماسي بكلمتين حلوين بيتحسن وضعك مابينخاف عليك .. في اشخاص كتار حولك وشخص مهم او مشهور بتتواصل معو بلاخص الي مو مرتبط ..
صحياً:روق ولا تنفعل وانتبه على اهلك شوية تقلبات صحية بسبب الوضع ولامور بتتحسن بعدين ..
غنيتك اليوم
خطوة .. مصطفى حجاج
 

توقعات برج السرطان اليوم الجمعة 07 يناير 2022 


السرطان ♋
مهنياً:تغيرات بوضعك وانت افضل بيوم الحظ عندك بتغيرات على صعيد العلاقات وسفر والمال او اذا في شي بخص دراسة او اختبار .. علاقة حلوة وعم تتلقى اتصالات كتيرة وحتى من مكان بعيد ولازم يكون في عزائم او مشوار وعم تلاقي دعم من ناس حوليك وبتلاقي حلول لمشكلة او قصة متعبتك .. فرصة لتتعلم شي جديد وتجارب جديدة وقصة سيارة او موبايل للبعض وضب ايدك مالياً ممكن تحصل على مبلغ او حدا عم يباركلك ومكافئة الك ..
عاطفياً:علاقات كتيرة وامورك افضل ..
بتقضي وقت حلو وممكن يصير صلحة عند البعض وتتلقى خبر بريحك وتتطور بعلاقاتك في نوع من راحة بعد فترة صعبة عاطفياً عم تفتح صفحة جديدة وعودة المياه الى مجاريها وانفراج للاعزب واعجاب جديد وتقارب بالمشاعر .. يوم للاتصالات طويلة ولقاءات وتواصل عم يكبر بلاخص المرتبط..
صحياً: انتبه من الم المفاصل والعيون وبلاخص من الجلوس طويل او نظر للموبايل ..
غنيتك اليوم
يمكن حبك..ماجد المهندس

 

توقعات برج الاسد اليوم الجمعة 07 يناير 2022 


الأسد ♌
مهنياً:في تنقلات وكذا قصة شاغلتك حاول ترتب امورك وتستغل يوم في تحسن نسبي وناس عم ترجع تتقرب منك وعم تحل مشكلة وترتاح من ضغوط .. عم تدارك المواقف وعم يكون في مال ولازم ترتب بيتك المال في مين بيدعمك وبتلاقي تيسير بامور مالية من شراكات وقصة بتخص المال يمكن دين او ميراث او معاملات مالية قريبا وناطر شي مالي قادم .. وضع حدا بخصك بيشغلك وفيك تستفيد من هاليوم مالياً بالحظ وتجارة وتتخلص من الالتزامات ..
عاطفياً:ما بدك تنكسر او تتنازل او يكون هاشي ع حسابك كرامتك ولكتار في عندو شي مشترك مع شريك ومال عم يدخل بوضع عاطفي حاول تعزز علاقتك وتصالح بيومك .. بدي كمان منك لا تخلي شي يستفزك ولا تتمرد وتتفرد بالقرارات وخلي كلامك دبلوماسي .. لازم تابع هاشي وتعطي فرصة جديدة وتساير شوي لتقدر تلاقي حلول بس لا تخاف كلو بينحل وتحسن قريب ومشوار مع شريك واوقات حلوة عم تقضيا ..
صحياً:فرصة شفاء من مرض للبعض وبعد عن الاكل الجاهز وانتبه من تفخة ..
غنيتك اليوم
الحلوة .. كاظم الساهر

 

 

توقعات برج العذراء اليوم الجمعة 07 يناير 2022 


العذراء ♍
مهنياً:في شغل جديد او حكي بشراكات عمل مع شخص او اتفاق على قصة ودفع مال وعم يكون في عرض جديد برغم انك منفعل وضايج بسبب شي عم يتأجل هاشي مؤقت ورح تنحل القصة بدي منك تروق وتهدي وتساير وتكون دبلوماسي لان المواجهات مو لصالحك والبعض ممكن ينهي شراكة او عقد روق هاليوم ولا تتردد كمان بحسم الامور ولا تخاف غامر وحاول تنبسط واكيد في عزائم واكل طيب وسهرة حلوة ..
عاطفياً:فرصة ارتباط وشراكة جديدة عند الاعزب والمرتبط تصرفات الشريك مو عاجبتك و مانو على بعضو .. كلام عم يتعبك وانت مو رايق وشريك عم يستفزك أنتبه من سوء تفاهم وتوتر بدي منك تهدي ولا تصعد الامور حتى ماتوصل لطريق مسدود روق وهدي حتى ما تندم على فعل أو قرار وساير ولامور رح تكون بخير .. والبعض في مشوار او سفر مع الشريك حسب وضعك او شريك بعيد عنك عم تتواصل معو ..
صحياً:مشاكل معدة والغدة ومشاكل الوزن عند البعض فكر بنظام صحي ولازم تعمل تغيير بصحتك وفيك تبلش نادي او هواية .
غنيتك اليوم
غيرك ابد ماريد...نور الزين

 

توقعات برج الميزان اليوم الجمعة 07 يناير 2022 


الميزان ♎
مهنياً:مو مرتاح اليوم وماعم تتحمل حدا وضغوط والتزامات جديدة وعم تتراكم اعمال عليك بدي منك تلحق وتخلص كلشي حتى ماتسمع شي كلمة او حدا يلومك وانت تعبت من مسؤوليات البيت والعيلة ومتحمل فوق طاقتك .. يوم في اختبار وفرصة شغل وحتى ممكن مال يجيك هاليومين من شغل او شريك او اتفاق ولازم تريح حالك جسدياً وتنتبه على صحتك قدر المستطاع واذا في عزيمة لا تتردد ..
عاطفياً:لا تتسرع ولا توثق بمين ماكان وفكر بشخص مناسب وبعد عن علاقة متعبة .. لا تخلي حدا يستغل طيبة قلبك وتنتبه من توتر بالعلاقة بلاخص يومك طويل وممل ومانك مرتاح حاول تفكر بطريق تتعامل فيا مع الشريك وهو لازم يكون حدك ويساعدك .. لبعض لا تاخد قرار مصير هالفترة ولا تتسرع ولا تيأس بدي منك طنش هالفترة وتروق وحاول تطلع وتغير جو والأعزب لازم تبادر وتعبر عن مشاعرك ..
صحياً:عم تحس بخمول وتوتر ومشاكل اعصاب هدي وريح حالك ..
غنيتك اليوم
شوف بعينك شوف..محمود القصير

 

توقعات برج العقرب اليوم الجمعة 07 يناير 2022


العقرب ♏
مهنياً:من الايام المميزة الي بتعطيك طاقة وجاذبية وتغييرات بشكل وبعلاقاتك وناس جديدة بيومك وعم تهتم بقصص الاطفال والانجاب وعم يكون في اجواء حلوة ضمن عيلتك او لتنعزم عند اخ او اخت وفي اخبار حلوة ناطرتك وزيارة ونشاط عم تقوم فيها .. ليوم احسن لتقضي وقت حلو وتتوصل لحلول وممكن دفعت مال كتير والجيوب فاضية بس فرصة لتقبض كمان اليوم .. لمة حلوة ورفقات حواليك وتغيير لصالحك ونفسياً في تحسن ..
عاطفياً:بتلاقي حلول وبتحسم امورك واجواء افضل .. خفف غيرة بيومك ولازم تكون مطمن امورك بتتحسن وممكن في مبادرة صغيرة ليتغير وضعك ويكون في حب ورومنسية وعم تسمع كلام حلو وفي غزل جذاب والعين عليك واجواء حميمية واشخاص عم تحاكيك وعم ترجعلك فرصة للارتباط واعتراف بالحب وشخص عم يتقرب منك من جديد ..
صحياً:لا تتهاون باي شي بخص صحة ولازم تستشير اخصائي اذا الوضع بيطلب هاشي ..
غنيتك اليوم
ليلة ورا ليلة...سيف نبيل

 

توقعات برج القوس اليوم الجمعة 07 يناير 2022


القوس ♐
مهنياً:لا تخلي اشخاص تأثر عليك نفسياً ولا تعطي أدنك لحدا .. يومك عائلي ومكان جديد واختبار وقصص قضائية وموبايل او سيارة .. مدايق شوي انت اليوم وفي قصة عم تشغلك بالعيلة او صحة حدا من اهلك بيشغلك وضعوا .. عم يكون في اعطال بالبيت او عم تغير ديكو بالمنزل وفي نقل لمكان وعقارات بتشغلك ومساعدة من حدا مقرب لا تستعجل وفكر كيف تكون هادي مع محيطك .. في لمة حلوة مع العيلة وعزيمة او مشوار واتصال من حدا بعيد ويمكن تغيير مكان وسفر بيشغلك ..
عاطفياً:كتير بحاجة لتطلع من وضعك ويكون في شخص بعيد عن محيطك بدي منك لا تتسرع وهدي بيومك ولا تنفعل من ولا شي او حدا يأثر على علاقتك وكون دبلوماسي لتخلي يومك منيح وافصل بين حبك وبين العيلة .. والبعض بترجع اشخاص بتتواصل وصدفة رح تتطور قريباً واتصال يمكن من شخص قديم ..
صحياً:انتبه على صحة حدا بالبيت وفيك تعملي عملية اذا بحاجة او شي تجميلي هالفترة ..
غنيتك اليوم
سلامي .. كاظم الساهر
 
 

توقعات برج الجدي اليوم الجمعة 07 يناير 2022


الجدي ♑
مهنياً:يوم جيد لتقدر تتحرك وترتاح نفسياً وعم تقدر تنجح وتتواصل مع كتير ناس ولقاءات وزيارات وفي قصة سيارة او موبايل ومال بيجيك .. وفي شي بخص عقار وفي اتصال بخص شغل وبيجيك مال من وراه او حوالة واخ بيشغلك وضعو وعم ينطلب منك خدمات كون جاهز .. فيك تعمل شي ع مواقع التواصل وبداية جديدة .. وكمان مدعوم بعزيمة ولمة حلوة مع ناس بتحبن وغاليين عليك ..
عاطفياً:تحسن بوضعك اليوم وكتير ناس بتتواصل معك وحلول واتصال او لقاء طويل وعندك حضور مميز وجذاب وبتكسب قلب الجنس الأخر .. رغم في عتب ولوم من قبل الشريك الا انو حاول تظهر مشاعرك وحرك حالك بالكلام والفعل تجاه الشريك ولازم تبادر واتصال مع شخص بهمك .. انتبه لعلاقتك اذا متوترة وحاول تقلل الاضرار وتتصرف صح حتى ماتطور الامور ..
صحياً:انتبه من الحوادث وصداع راس والبعض بيرتاح من مرض تعبو او من كريب ..
غنيتك.اليوم
ياناسينا ياناسينا .. راشد الماجد

 

توقعات برج الدلو اليوم الجمعة 07 يناير 2022 


الدلو ♒
مهنياً:في مساعدة بيومك واتفاق مبدئي او شغل في من وراه مال .. عم تعيد حساباتك وعم تشوف شو الك وشو عليك وعندك مصاريف طارئة وعزائم ولتعمل شي بشكلك وتجميل ومستلزمات وممكن تشتري شي وتغير شي ..ضب ايدك وفكر بموارد جديدة وفي قصة قديمة ممكن توصل لحل فيها ومصاريفك اغلبها على الاهل وتصليح واعطال والبعض بيحصل على مال او خبر بخص المال قادم ..
عاطفياً:مو رايق اليوم ومافي اهتمام وهاشي ما بريحك ولازم تتخلص من علاقات سببت الك تعب نفسي .. ماعم تفهم الشريك بهاليوم وفكر كيف تبلش من جديد وتفتح صفحة جديدة وتبدأ علاقة افضل .. قادر تحقق شيء مهم على هذا صعيد تكون محط أعجاب ويسلط ضوء عليك والبعض ممكن يوصلوا شي او دعم ما وعلاقة جديدة بتبلش تتبلور بالفترة القادمة ..
صحياً:ممكن البعض يزور طبيب او مشفى او لحدا مقرب وانت انتبه من ارتخاء بالجسم ونوم زيادة ..
غنيتك.اليوم
حبك وجع...اليسا

 

توقعات برج الحوت اليوم الجمعة 07 يناير 2022 


الحوت ♓
مهنياً:من الايام داعمة الك لتكون متحرر وتاخد طاقة ايجابية رغم كلشي صار معك .. عم تنجز أعمالك وبكون في ناس جديدة ونشاطات عم تقوم فيها وفرصة ليكون في سهرة حلوة وعزيمة اكل وزيارة واصدقاء عم يوقفو حدك .. سفرة او مشوار وفرصة لتغير بشكلك وتكون جذاب والبعض بينشط على الصعيد المال وتجاري ومال من شغل ..
عاطفياً:يوم منيح بعلاقات جديدة وتتطورات عاطفية لتبدأ شي جديد بوضعك أولقاء جديد وحتى في تواصل كتير باتصالات وعلى مواقع التواصل ومن مكان شغلك او دراستك .. المرتبط عندك عاطفة وجذاب حاول تستغل هاليوم وتاخد قرار مهم وتتخلص من قصة عملت كركبة بوضعك حتى ماتتعرض لندم اكتر من هيك .. حاول تقضي وقت حلو وتعيش جو رومنسي المهم تبادر لكن بهدو وبدون تسرع لتوصل لحلول جذرية .
صحياً:خفف شرب منبهات قهوة او تدخين حاول تنتبه ع صحتك ونشالله في شفاء وتحسن عند لكتار .
غنيتك اليوم
ماتوعد قلبي..اليسا
المصدر : admin
المرسل : news lobnanuna
منذ 1 أسبوع 5 يوم 21 س 40 د 5 ث