Logo of lobnanuna

ابراج اليوم الاربعاء 12 يناير 2022

حركة الكواكب ليوم الاربعاء 12 يناير
القمر☽ ♉ بكمل ببرج الثور التربي كوكبه زهرة...
عطارد☿ بالدلو متراجع
الشمس بالجدي
الزهرة ♀ بالجدي متراجعة
المريخ♂ بالقوس
زحل ♄ بالدلو
المشتري ♃ بالحوت
اورانوس ♅ متراجع بالثور
نبتون ♆ بالحوت
بلوتو ♇ بالجدي

 

توقعات برج الحمل اليوم الاربعاء 12 يناير 2022


الحمل ♈
مهنياً:يوم في مصاريف مالية على عزائم واصدقاء او مناسبة وبدي منك تختار صح وتركز بشغلك لتتجاوز بعض العراقيل .. عم تفكر بأمور مالية او مورد جديد وعم تتعرف بناس جديدة وفي شي مالي ناطرك وتنقلات ومشرع جديد .. عم تحس انك بحاجة لنوم لهيك ريح حالك ونام منيح وخفف سهر وضب ايدك على مصاريفك ..

عاطفياً:المرتبط علاقتك منيحة وبتقضي وقت حلو واتصالات طويلة وممكن عزيمة .. الاعزب تفكيرك ماعم يخليك تختار شي المناسب حاول لا تستعجل بشي وفي علاقات واعجاب بيومك .. عجيمية .. المتزوج الشريك عم يدفعك نحو الأستفزاز او لتعمل شي مابدك ياه حاول لا تخلي يضغط عليك او ينفذ مايريد وفكر كيف تطلع من هالجو وتوتر ..

صحياً:بحاجة لنظام غذائي ولوقت كافي لنوم لتريح جسمك بلاخص بنهارك والبعض عندو دفع مالي على صحة وعزائم .
غنيتك اليوم
كذبك حلووو...ميادة بسيليس.
 

توقعات برج الثور اليوم الاربعاء 12 يناير 2022


الثور ♉
مهنياً:من الايام داعمة الك بتغيرات شخصية وعم تحقق نجاح وشعبية وتغيرات ايجابية .. عندك حضور مميز وعم تستعيد نشاطك وطاقتك وعم تزيد علاقاتك بكتير ناس وعم تكون تحت الاضواء وناس مهمة .. الحظ معك وفيك تكسب محبة الكل وفي نقاش بامور مالية واتصال بخص شغل او شراكة ومشروع جديد بغير من وضعك بتقدر تقنع وتنجح باتصالاتك ولقاءات وعزائم وسهرة حلوة ..

عاطفياً:امورك اليوم افضل ووضعك منيح وعندك فرصة بهاليوم لتصلح الامور وتتقرب وتبقى مسيطر على الوضع بس بدي منك لا تستسلم لضغوط ولا تفكر بشي .. مميز بحضورك وجذاب فاستغل هاشي وممكن في حب جديد وارتباط قادم واعجاب والبعض عم يشغلوا شريك قديم .. بس البعض ممكن ينهي علاقة متعبة او عم تصفي اشخاص من حساباتك ..

صحياً:استغل طاقتك لتخلص اعمالك بس لاتعب حالك واذا عندك عزيمة لا تتردد ..
غنيتك اليوم
دريت .. سيف نبيل
 

توقعات برج الجوزاء اليوم الاربعاء 12 يناير 2022


الجوزاء ♊
مهنياً:بعدك مو مرتاح اليوم وعندك ضغط بشغل وبصحة ويوم بطيء كتير روق ولا تستعجل بشي لا تاكل هم الامور رح تكون بخير ورح تستفيد من دعم اشخاص مهمة بلاخص انو في قصص أخدت أكتر من وقتا وكان في لف ودوران وعدم التزام .. في امور مهمة بتخص قصة قضائية او ادارية ومركز حكومي هاليومين .. رح تتحسن امورك اكتر خلال لفترة القادمة ورح يكون في مين يساعدك ويوقف معك وتغيرات مهمة بحياتك بلاخص مهنياً بس انتبه تعب حالك صحياً ..

عاطفياً:بدك تروق شوي اليوم وبلا مشاكل او توتر وبدي منك تختار صح ولا توثق باي حدا مابدي قلبك يتعبك اكتر من هيك لا تتشائم او تتسرع بشي وركز بتصرفاتك وكلامك لانك عم تحس بالوحدة وعزلة لا تفكر بحدا مابيستاهل فترة فيها شوية تعب ونشالله غيمة سودة وبتمر لا تاكل هم .. الاعزب في حكي بقصة مهمة او اتصال ولقاء عم تبحث في امور مستقبلية ..

صحياً:في طبيب او مشفى للبعض تقلبات بجسمك فانتبه ع حالك بس اليوم والبعض عندو عملية او حدا وضعو صحي متعب بالعيلة ..
غنيتك اليوم
شو سهل الحكي .. رويدا

 
 

توقعات برج السرطان اليوم الاربعاء 12 يناير 2022


السرطان ♋
مهنياً:في تحسن عم يكون بوضعك بشكل عام اجتماعي وناس بتحبن وبتلتقي فين اوقات بتقضيا مع محيطك وبين الاهل والاصدقاس وقصص مهمة عم يتم نقاش فيا ركز منيح ولا تتهرب من بعض القصص والمسؤوليات ويمكن في قصة صديق بتشغلك .. يوم في زيارات واجبات عم تقوم فيا وعم تستفيد من امور مالية ودعم ومساعدة الك وانتبه تغلط .. وفي عزيمة اكل طيب واهتمام بقصص الانجاب والاطفال للبعض ..

عاطفياً:عم تزيد عاطفتك هاليوم وصداقات عم تكبر واجواء حميمية وشغف وسرية عند البعض .. تطورات بتدعمك والبعض بفكر بشي مهم وبعض العلاقات ممكن تتطور وتصير ارتباط ..الي علاقتو متوترة يهدي لان في سوء تفاهم عم يكبر على شي مو مستاهل خليك دبلوماسي لتعرف تحل الموضوع ونشالله رح ينتهي بسرعة وتتحسن الأمور بس انتبه لكلامك ولا تخلي حدا يستغلك ..

صحياً: وجع بمنطقة البطن وامور متعلقة بالجنس وخربطة وحساسية جلدية ونفور للحب عند البعض ..
غنيتك اليوم
صابر وراضي .. جورج وسوف
 

توقعات برج الاسد اليوم الاربعاء 12 يناير 2022


الأسد ♌
مهنياً:ضغط وعلاقات وقصص بالبيت ومع الاهل .. عندك شغل مهم وبحاجة لدعم ومساعدة بدك تكون جاهز وتركز وماتغلط مع حدا مشان تطلع من هاضغط والمسؤوليات وعلاقتك مع بعض المقربين ان كان بشغل وبالبيت .. كون دقيق وانتبه لكلامك ولا تتسرع وبعد عن المواجهات وانتبه من تشويه سمعة .. فرصة عرض او شغل وعلاقات اجتماعية وتغيير مكان وفيك تستفيد من دعم شخص مهم وعزيمة ..

عاطفياً:الاعزب والمرتبط جديد فرصة لاتصالات طويلة ولقاء والبعض مقبل على خطوة ايجابية وبيئة جديدة وتواصل واتصال مفاجئ .. المرتبط مو مستقر يومك وماعم تلاقي الشخص الي بيستاهل او المشاعر الي بدك هيي .. لا تكبر القصص مع الشريك ولا تتأفف وتنق كتير في اهمال وفي برود وهاشي متعبك .. فكر منيح بيومك وبعلاقتك وحاول توجد حل يرضي الطرفين ..

 

صحياً:لا تهتم لكلام البعض ولا تخلي حدا يستفزك ويعصبك لان ممكن هاشي يسبب تراجع لوضعك صحي والبعض ببلش يتحسن صحياً ..
غنيتك اليوم
عطول بفكر فيك...ادهم نابلسي
 

توقعات برج العذراء اليوم الاربعاء 12 يناير 2022


العذراء ♍
مهنياً:عم تقدر تحسن وضعك وتستعيد نشاطك وقدرتك لتلاقي دعم وعلاقات غريبة وناس جديدة وعم تتواصل بلقاء او اتصال مع شخص بعيد ويمكن فكرة سفر بتخصك او بتخص مقرب .. طاقة ايجابية وعلاقات خارجية وفي امور جديدة بيومك وبتحل قصص شاغلتك ومشاكل ودعم معنوي واختبار او امتحان وعزيمة ولمة حلوة وانتبه على صحتك من الحوادث واعطال عندك ..

عاطفياً:اندفاع ومشاعر عم تزيد وتغيرات ايجابية ويومك في تواصل واعجاب وشي جديد .. خليك جريئ وصريح لتحل مشاكل عندك وتعمل تقارب بوجهات النظر وتقضي وقت حلو .. لا تخاف امورك منيحة وتحسن بعد فترة متعبة .. لمهم غير شوي من نفسيتك وطريقة تعاملك مع الشريك حتى لا يصير جفا ونفور بالمشاعر .. والبعض ممكن تواصل مع شخص عبر مواقع التواصل او بلقاء وفي تجربة عاطفية جديدة عم تجهز ألها وتوقع خبر حلو هاليومين او موقف بشكل مفاجئ ..

صحياً: وضع صحي لمقرب او بالبيت بيشغلك وصداع عم تعاني منو ..
غنيتك اليوم
نسخة منك...ادهم نابلسي
 

توقعات برج الميزان اليوم الاربعاء 12 يناير 2022


الميزان ♎
مهنياً:قصص مالية وعاطفية بيومك وتحسن بعد ضغط كبير وراحة بشكل تدريجي وانطر خبر منيح الك .. بتقدر تحل مشاكلك وتعمل مصالحة ونقاش واتصال وشي بخص المال او ميراث وعم تتحرك امور مالية عندك وشي بخص عقار وعم تتفاهم مع محيطك وفترة بتتخلص من معاملات وامور مالية تعبتك .. مال من بيع او شراكة او حوالة او اذا كنت بحاجة للمال أطلب .. ضب ايدك على مصاريفك كمان بلاخص مصاريف على صحة وعزائم ..

عاطفياً:اجواء رومنسية وراحة وبتحس حالك افضل من قبل .. بنصحك لا تتسرع بحسم علاقتك رغم الاستفزاز وتوتر الي بخليك مضغوط فكر بيومك ولا كتير تفكر لبعيد افضل ألك والفرصة قدامك لترجع الامور متل ما كانت .. كون رومنسي بمشاعرك وأحساسك على الاقل لترتاح من هالقلق وضغط نفسي بادر بالحلول واستغل هاليوم .. والبعض عم تكون مندفع بمشاعرك وحميمية وشغف بيومك ..

صحياً:عم تعاني توتر صحي وخمول وكريب عم يبلش عند البعض والبعض أنتبه على وضع العائلي او صحة حدا عم يشغلك ..
غنيتك اليوم
سامحت جرحك ... ماجد المهندس
 

توقعات برج العقرب اليوم الاربعاء 12 يناير 2022


العقرب ♏
مهنياً:بدك تساير وتكون دبلوماسي لتقدر تمشي هاليوم بدون مشاكل وكون حذر من اي شي بدك تعملوا وتجنب نقاشات طويلة ولا تحط حالك بمواقف محرجة او تسمع عتب ولوم .. يومك في اختبار لقدراتك ولازم تخفف عصبيتك ممكن تتجاوز توترات بهيك يوم بلاخص الشراكات العاطفة والمهنية ..هدي هاليوم ناطرك تحسن ايجابي لتدخل شي جديد قريباً وفيك تطلع وتغير جو مع ناس بتحبا وعم تطلع من تعب شوي شوي ..

عاطفياً:فرصة عند البعض ليتم شراكة عاطفية جديدة وبلاخص الاعزب .. المرتبط مو مرتاح وبحاجة لحدا يفهمك وشريك عنيد وعقليتو كتير صعبة وماعم تقدر تتعامل معو .. مافي تفاهم مع الشريك وعم يعمل من الحبة قبة انت امام خيارات وحلول كتيرة مهما كان الوضع متعب تقرب من الشريك لانو في اتصال او تواصل طويل وحاول تقنع بوجهة نظرك روق لتحسن وضعك اليوم وترتيبات جديد قادمة وبلاخص موضوع الارتباط والخطبة ..

صحياً:بحاجة لنشاط ذهني جسدي وامورك اليوم افضل صحياً ولازم تابع الحمية وعندك قابلية كبيرة لانقاص الوزن بس المهم الارادة ..
غنيتك اليوم
الي بعنا...راغب علامة

المصدر : admin
المرسل : news lobnanuna
منذ 1 أسبوع 21 س 52 د 10 ث