Logo of lobnanuna

ابراج اليوم الخميس 13 يناير 2022

حركة الكواكب ليوم الخميس 13 يناير
القمر ☽ ♉بكمل ببرج الثور بعد ضهر بينتقل لبرج الجوزاء الهوائي كوكبه عطارد.
عطارد☿ بالدلو متراجع
الشمس بالجدي
الزهرة ♀ بالجدي متراجعة
المريخ♂ بالقوس
زحل ♄ بالدلو
المشتري ♃ بالحوت
اورانوس ♅ متراجع بالثور
نبتون ♆ بالحوت
بلوتو ♇ بالجدي

 

توقعات برج الحمل اليوم الخميس 13 يناير 2022


الحمل ♈
مهنياً:عم يدور الفلك ببيت المال هاليوم مصاريف ومستلزمات يوم بيحملك نقاشات وترتيبات بشي بخص المال او ممتلكات .. رتب امورك وعندك دفع كتير لهيك بدي منك تحسب حسابك للاحتياط المالي .. بعد ضهر تحسن تدريجي وبتحصل على دعم بمساعدة ما وعم تتلقى اتصال مهم وعم تعرف تستغل الفرص لصالحك او بتجهز حالك لسفرة او مشوار وامتحان بس أنتبه من الاعطال وحوادث وتأخير وشي بخص المواصلات ..

عاطفياً:عم تعاني البعد بهاليوم وشريك ما عم يفهم عليك .. هاشي عم يخليك تعيش حالة من الوحدة لبعض الوقت وممكن في شوية زعل روق وهدي اعصابك .. بعد ضهر عم تحل مشاكل وعم تتوضح امور كتير قدامك في اهتمام وتحسن بلاجواء وهدوء اكتر رغم المزاجية وتقلب بوضعك العاطفي انا بشوف الامور باليومين القادمين افضل ..

صحياً:بحاجة لنظام غذائي معتدل ورح تتحسن صحياً وتطلع من وعكة قريباً ..
غنيتك اليوم
حافظك عن غايب .. جوزيف عطية
 

توقعات برج الثور اليوم الخميس 13 يناير 2022


الثور ♉
مهنياً:لا تتسرع بشي واستغل نهارك لتخلص امورك كلها ولتنهي مشاكل تعبتك وبالاخص اذا في اختبار او لقاء مهم وامور عائلية .. بتتجاوز مشاكل كانت بعيلتك وامور عقارية وممكن تغيير سكن فرصة وشغل وممكن لقاء مهم واجواء حلوة .. من ضهر في مستجدات عم تخليك تعيد حساباتك بالمال وبعلاقاتك مع كتير ناس ومصاريف وممكن تتريث بكتر امور وهاشي بكون افضل الك وبلاخص لامور المالية وحلول قريبة لتطلع من ضيق مالي ومساعدة مالية من شخص مقرب ..

عاطفياً:في اتصالات ولقاء وعم يدعمك الفلك بنهار لتحسن امورك العاطفية .. بس المسا بدك تنتبه من سوء تفاهم ولا تكون عنيد وتتشبث برأيك وتجاكر حتى ماتكبر القصص ..حاول تروق وتتجنب اي نقاش مالو داعي .. البعض عندو لقاء وتطور جديد وعم تحط نقاط على الحروف ببعض العلاقات ومال عم يدخل بالعاطفة ..

صحياً:نظم وقتك منيح ومارس الرياضة وتحسن صحي أفضل والبعض صحة حدا بالبيت بتشغلك ..
غنيتك اليوم
انتي مشيتي .. ملحم زين
 

توقعات برج الجوزاء اليوم الخميس 13 يناير 2022


الجوزاء ♊
مهنياً:عم تعاني تعب وتأجيل وشوية مواجهات وناطرينك على دقرة انتبه ولا توثق بحدا ولا تسمع لكلام البعض .. من ضهر افضل بتكون وبتتلقى اتصالات او خبر بريحك ونفسياً بترتاح لترجع طاقتك وتقدر تريح راسك من كتير قصص وبتلاقي حل لمشكلة وتحسن نحو الافضل ناطرك هاليومين واجواء اجتماعية حلوة ولقاء واتصال ايجابي او اختبار وشغل جديد ..

عاطفياً:لا تتسرع وتعب حالك بالحكي الي مابجيب نتيجة رغم في سوء تفاهم لكن بينحل المهم تروق ونشالله تدريجي .. حاول تكون دبلوماسي وتستوعب وتقدر الوضع وتمتص غضب الشريك اذا كان معصب .. بعد ضهر لامور بتتحسن والفلك داعم الك بتطورات ايجابية وحل لمشكلة وحدا ممكن يرجع يحكيك واتصالات طويلة او لقاء واجواء اكثر هدوء وفيها شغف عاطفي وتواصل بعد غيبة ..

صحياً:لا تجهد نفسك بأعمال وحكي متعب على حساب صحتك لان البعض ممكن وعكة صحية وتحسن تدريجي هاليومين ..
غنيتك اليوم
وجع الروح .. ملحم زين

 
 
 

توقعات برج السرطان اليوم الخميس 13 يناير 2022


السرطان ♋
مهنياً:بتبلش يوم منيح وطاقتك ايجابية ومن ضهر علاقات اجتماعية وامور صحية وتأجيل .. تجربة جديدة بكون عندك اليوم عم تحاول تعمل شي جديد او تغير شي لقاءات وعلاقات اجتماعية عم تكون بيوم عم تلتقي بناس جديدة وعم تتخلص من مشكلة كتير تعبتك وعم تشعر براحة نوعاً ما وعم تتلقى عرض بشغلك او عزيمة وممكن قصة عقار او شي قضائية واداري عم يرجع ع الواجهة .. في مال ولازم تعيد حساباتك من جديد بلاخص بمصاريفك وضمن بيتك وعلى امور صحية ..

عاطفياً: لا تكبر القصص مانك مرتاح بعد ضهر والمشاكل صار لازمها حل .. غض نظر عن بعض الامور والاخطاء والفرصة قدامك لتزيل بعض العراقيل التي سببت في تراجع العلاقة في محاولة للمصالحة ولقاءات بيومك .. المسا عندك رغبة تعمل تغيير عاطفي او شي جديد وممكن علاقة عاطفية وحميمية وتواصل لكن انت شكلك مو مطمن او مو مرتاح ..

صحياً:بحاجة لترفه عن نفسك وتنتبه على صحتك
ولا توفر اي سهرة أوعزيمة لتغير من نفسيتك ...
غنيتك اليوم
ضد النسيان .. سعد رمضان
 

توقعات برج الاسد اليوم الخميس 13 يناير 2022


الأسد ♌
مهنياً: بدي منك تكون صاحي بيومك لان في حكي وتعب عم يكون حواليك من ناس مقربة بشغلك او ضمن محيطك العائلي وبتكتشف بعض ناس ع حقيقتها .. بعد ضهر انت افضل لعلاقات وعزائم وناس غوالي عم تشوفها والحظ بحالفك اذا عم تجهز حالك لاختبار وبلاخص بما يخص الاوراق والمقابلات و اذا ناطر نتيجة نشالله بتكون لصالحك هالفترة ورح يكون في تنقلات او سفر قصير واكل طيب ..

عاطفياً:حافظ على اسرارك منيح ولا تأمن .. بشكل عام نهارك بدو هدوء وحاول تساير وتعتذر ولا تكبر الامور بكلمتين حلوين الامور بتتحسن وبلاخص المسا رغم انو مزاجك متقلب .. عم تدخل بارتباط او اعجاب بالوقت الحالي وعم تزيد جاذبيتك وعلاقة حميمية عم تستجد حاول تفرض سيطرتك بس بدبلوماسية بعيد عن الاستفزاز والعصبية والبعض سهرة حلوة وعلاقة سرية عم تكبر ..

 

صحياً:عم تحس بضغط نفسي وعكة خفيفة بتمر نشالله والبعض عندو حساسية ومشاكل الجلد او بمناطق حساسة ..
غنيتك اليوم
تصدق بمين .. اليسا
 

توقعات برج العذراء اليوم الخميس 13 يناير 2022


العذراء ♍
مهنياً:اتصالات وتنقلات ولقاءات وبتشغل البعض قصة قانونية و قضائية او شراكة عمل و امور بتخص دراسة وعم تهتم لوضع صحي او لشخص بالبيت ..حاول تخلص امورك بكير وتخلص شغلك لتحقق نجاح مهني ومادي .. بعد ضهر لا تحتار وتكون متقلب ومزاجي بحل قصة ما .. شهرة وسمعة وأنتبه للامور المالية لان عندك دفع على شراء او لقصة ما او عزائم ومستلزمات وكون بعيد عن نقاشات مع محيطك بلا طعمة وقصة اب او اخ ولقاء او اتصال بشخصية مهمة ..

عاطفياً:عم تتقرب من الشريك والمشكلة بالخطوة الأخيرة .. بحاجة لتحط نقاط على الحروف بما يخص مستقبلك العاطفي .. خليك متأكد من حبك ولا تخاف البعض عم يفكر بشريك قديم او علاقة تانية او موعد .. شوية رواق بيومك وأمورك بتنحل المهم لا تخلي الافكار سودة تسيطر عليك .. وضهر البعض عندو تواصل مع شخص جديد او مشهور .

صحياً:خفف تشنجات وتوترات بيومك حتى ماتتعرض لوعكة صحية والبعض بيتجاوز ازمة صحية متعبة ..
غنيتك اليوم
ياريت عمري ماهوي
 

توقعات برج الميزان اليوم الخميس 13 يناير 2022


الميزان ♎
مهنياً:من الايام الي بتعطيك طاقة وحظ وتحسن وارتياح نفسي وصحي ومالي عم تبحث عن راحة بهاليوم وعم تأسس لايام منيحة وعم ترتاح من بعض ضغوط .. تتطورات مالية ومهنية وبعد ضهر كتير بتكون مرتاح وبتطلع من حالة الوحدة والعزلة ولقاءات واتصالات وصلحة وعم تشوف ناس كتار وممكن اتصالات مهمة وفكرت سفر او مشوار وبتجهز الامتحان وعقار بيشغل البعض ..

عاطفياً:رايق والعين عليك وجذاب بيومك .. الاعزب فرصة ارتباط والمرتبط لقاء مرتقب لتحط نقاط على الحروف وبداية وانطلاقة جديدة افكار مستقبلية وخطوات افضل واكثر جرئة وهم بينزاح عن صدرك وحل لمشكلة كبيرة بس خففلي نق وبلاخص اذا كنت متزوج على الاقل لترتاح ولا تكبرها وتعمل من الحبة قبة .. واذا حابب تصلح الوضع فيك تبادر اليوم الحظ معك من ضهر بلاخص اذا شريك بعيد عنك وعنيد وانتبه من تصرفاتو ...

صحياً:مشاكل معوية وشفاء من بعض الالتهابات ومن كريب للبعض ..
غنيتك اليوم
تعا ننسى .. ملحم بركات
 

توقعات برج العقرب اليوم الخميس 13 يناير 2022


العقرب ♏
مهنياً:عم تواجه عدة عراقيل بنهارك وفي تأجيل لبعض القصص الي بحاجتها وفي شوية حساسيات .. نظم وقتك وكون دقيق بمواعيدك ولا تتأخر وخلص شي ضروري .. مانك مرتاح للوضع مافي شي بضل ع حالو لأن من ضهر بتبلش طاقتك ترجع وتحسن كبير وفرصة لتلاقي حلول مالية وامور عم تتوضح قدامك اكتر ومال وديون ومبلغ ممكن يجيك ..

عاطفياً:أنتبه لمعاملتك ولكلامك بهاليوم ولا تخلي امورك تطور او مشاكلك تكبر اكتر وأنتبه على شراكتك العاطفية والبعض انتبه من اعمال السحر .. روق ومرق نهارك ع خير وكلشي بيتحسن وبلاخص لمصالحات او ارتباط وتحسن عاطفي وعلاقات حميمية .. يوم منيح عندك علاقات واتصالات وبتقضي وقت ممتع بس المشكلة في بعض الامور المالية عم تدخل بوضعك العاطفي وبلاخص بعض المتزوجين هدي حتى ماتصير بعض الخلافات على امور مالية او قصة ما بالبيت عم تسبب خلاف ..

 

صحياً:عم تعاني ضيق تنفس وعدم راحة اثناء نوم حاول تخفف بعض المنبهات وتنقلات بهيك جو ..
غنيتك اليوم
يادني .. معين شريف
 

 
 

توقعات برج القوس اليوم الخميس 13 يناير 2022 ماغي فرح


القوس ♐
مهنياً:ضغط بنهارك عم يولد سوء تفاهم وحساسيات ومواجهات وحاسس انك مو قادر تعمل شي ولا حدا عم يفهم عليك روق مابدي ياك تقلق وتسبب لحالك متاعب بهالوقت .. من ضهر اتصالات بتكتر وممكن عندك شغل او شراء لشيء والبعض عم يبحث موضوع شراكة طاقتك بترجعلك وبتحس حالك افضل ولقاء وشيء جديد وتطورات وموضوع عم ينحسم ومال هاليومين من شغل او اذا داخل شراكة واتفاق جديد ..

عاطفياً:تجنب القرارات المصيرية بهيك يوم ولا تحسم شي او تعطي كلمة فكر منيح ولا تستعجل .. لحظ مو معك بنهارك لهيك بدعيك تكون دقيق كتير بتفاصيل علاقتك وأنتبه من الحب لاستغلالي والمصلحة او سوء تفاهم .. لمسا ارتباط او شراكة عاطفية وتحسن بعلاقتك ولقاء وموعد قريب .. البعض بدي منك تبعد عن علاقات مارح تجيب نتيجة وعم ضيع فيها وقتك واذا مافي خطوة ايجابية انا بنصحك بلاها ..

صحياً:أنتبه على صحتك وخفف كتير من المنبهات لانك معرض لوعكة صحية خفيفة بنهارك ولامور افضل بعدين ..
غنيتك اليوم
جرح الماضي .. وائل جسار
 

توقعات برج الجدي اليوم الخميس 13 يناير 2022


الجدي ♑
مهنياً:عم تقضي يوم اجتماعي وعلاقاتك ولقاءات افكار عم تاخدك وتجيبك وناطرك خبر او شخص ولقاء عمل .. بدي منك تنتبه لبعض شراكات ضعيفة او اشكالية بأمور مالية تأخير او سوء تفاهم وبحاجة للمال بعد دفع منيح وديون بدا تشغلك هاليومين .. خلص شغلك بكير لانك مضغوط ولازمك راحة عندك تنقلات كتيرة وشغل وامور مالية وصحية بتشغلك وبحاجة لحدا يوقف معك ويكون سند وممكن البعض يحصل على هبة مادية او هدية ..

عاطفياً:يومك افضل بنهارك وعلاقات حميمية واتصالات من صبح لتلاقي حلول وتتوضح قدامك بعض الامور وحتى الغيرة زايدة هاليوم.. في اوقات حلوة ناطرتك حاول تلاقي حلول سريعة وتنتبه لتصرفاتك منيح وتعطي الشريك من وقتك بلاخص المسا .. والمتزوج أنتبه لوضعك ومن حدا يدخل بالوضع ولاتنشغل عن الشريك واعطي اهتمام ..

صحياً:تعب وارهاق وقلق ريح حالك وكلو الو حل وبعد عن الاجواء صاخبة وضجيج ولا تفكر وتحسب كتير .
غنيتك اليوم
تعب المشوار .. وفيق حبيب
 

توقعات برج الدلو اليوم الخميس 13 يناير 2022


الدلو ♒
مهنياً:مضغوط وتعبان بنهارك وقصص عم دور ضمن مجالك العائلي او شي بخص عقار وممتلكات واوراق وسوء تفاهم مع زملاء العمل .. من ضهر امورك كتير بتتحسن في فرصة حلوة ناطرتك وتحسن مالي وفي مال بيجيك وحلول لمشاكل بالبيت والعمل .. عندك ناس كتيرة وجديدة ولمة حلوة او عزيمة وعم تصرف كتير هالفترة وخبر حلو او شي بخص الاطفال ..

عاطفياً:روق بنهارك وهدي مع الشريك ولا تخلي القصص العائلية او الغيرة تسبب مشكلة حاول تتجنب هاشي بنهارك .. بعد ضهر اتصال طويلة او لقاء واجواء رومنسية مع شخص بتحبو وامورك افضل بكتير وتحسن عاطفي وممكن ارتباط للاعزب او عجاب مبدئي وحكي حلو وجاذبيتك غير شكل .. في امور بدك تحط حد الها وتسوية لبعض القصص وفي خبر مستقبلي قريباً لخطبة او زواج ..

صحياً:حاسس حالك مرهق ومتعب من ولا شي وممكن قصة صحية الك او لحدا مقرب وتحسن من المسا وطاقتك بترجع .
غنيتك اليوم
انا وياك .. زياد برجي
 

توقعات برج الحوت اليوم الخميس 13 يناير 2022


الحوت ♓
مهنياً:تواصل واتصالات مهمة وقصة سفر او تنقلات وناس بتساعدك وعم توظف جهودك ببعض لاعمال او دخول بشيء جديد عم تقنع برأيك وعم تستقطب ناس واذا بحاجة مساعدة اطلب قصة بيع أو شراء وسفرة قصيرة .. من ضهر في شوية توتر وقصة طارئة بالبيت وحاسس بخمول خلص شغلك بكير لتلاقي حل لاي مشكلة أو توتر وعندك شي بدك تعملو بالبيت وقصة حدا من اخواتك او مقرب بدك تكون متفهم للوضع ..

عاطفياً:حاول تبقى قريب من الشريك لوضع مانو مريح وبحاجة لدعم انت عندك القدرة لتتجاوز هاشي وترتاح وتسيطر ع الوضع لحتى الامور ماتتأزم أكتر من هيك وتروح لطريق مسدود .. حاول تكون حذر من ناس حواليك وبعد عنن مشان ترتاح اكتر بعلاقتك .. والبعض في قصص عائلية عم تدخل بعلاقتك بدا هدوء ولا تأخد اي قرار مصيري وانتبه من تصرفات الشريك والاسئلة الي صارت متكررة وبتحس انو متقصد ليعمل مشكلة ..

صحياً:توتر وقلق وارهاق من الجو المحيط حاول مادايق حالك وتفكر كتير ..
غنيتك اليوم
حتى انت كمان .. ايمن زبيب

المصدر : admin
المرسل : news lobnanuna
منذ 7 شهر 6 يوم 7 س 47 د 51 ث